Trajneri i Partizanit, Zoran Zekic, foli për mediat, pas fitores minimale që skuadra e tij regjistroi në miqësore ndaj Strugës. Zekic deklaroi se nuk është asnjëherë i kënaqur, ndërsa shtoi se skuadra ka shumë punë për të bërë, para sfidës me Bate Borisov në turin e parë në Champions League. “Nuk jam asnjëherë i kënaqur. Është vetëm ndeshja e parë dhe kemi shumë për të bërë. Duhet të bëjmë më shumë para ndeshjes me Bate Borisov. Duhet të përmirësojmë më shumë anën taktike të lojës, por futbollistët kanë impenjimin maksimal dhe kjo është diçka pozitive. Sa i përket lojtarëve të rinj të afruar, ata kanë pak mangësi fizike dhe taktike, kjo është e kuptueshme. Bate Borisov është një skuadër për tu respektuar. E kam ndjekur në ndeshjet e fundit dhe duhet të jemi përgatitur maksimalisht.”, u shpreh Zekic.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
