Pas një sezoni për tu harruar Arsenali ka mbledhur forcat dhe tashmë po mendon për vijuesin . ‘’ Topchinjtë ‘’ duhet me patjetër të zhvillojnë një merkato cilësore për tu rikthyer në rivalin e rrezikshëm të disa sezoneve përpara . Mikel Arteta është shumë ndërgjegjshëm për këtë fakt dhe tashmë londinezët janë shumë afër lojtarit të Benfikës Nuno Tavares . Sipas Daily Mail 13 herë kampionët e Premier Leagues do të derdhin 8 milionë euro në arkat e portugezëve për 21 vjeçarin i cili ka impresionuar me ‘’ Shqiponjat ‘’ .
Karakteristikat që mbart janë të duhurat nëse i referohemi lojës që zhvillon Arsenali pasi është shumë i shpejtë në inkursionet drejt portave kundërshtare dhe gjithashtu tepër efektiv në prapavijë , elementë që i përmbushin kërkesat e trainerit spanjoll. Dështimi në Premier League dhe Uefa Europa League në një fazë determinante është një leksion i vlefshëm për drejtuesit e Arsenalit se duhet të bëjnë gjithçka është e mundur gjatë merkatos për ti mundësuar rikthimin e faqes anglezëve të cilët janë një kundërshtar për tu respektuar .
Me progresin e bërë Nuno Tavares i ka të gjitha shanset për të iniciuar një tjetër eksperiencë larg ‘’ Estadio Da Luz ‘’ në një kampionat i cili konsiderohet ndër më të bukurit e planetit .
Sezoni për mbrojtësin nga Lisbona është mbyllur me 68 ndeshje , 2 gola dhe 12 asiste , të cilat ia kanë mbajtur të hapur rrugën me synimin e ngjitjes në karrierë .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
