Aventura e mbrojtësit Aleksandar Milic te Kukësi ka zgjatur vetëm 1 muaj. Futbollisti 22-vjeçar është larguar nga skuadra verilindore dhe është rikthyer në Malin e Zi, aty ku ka firmosur me Petrovac.
Zyrtarizimi ka ardhur edhe nga vetë klubi i Kukësit, që njoftoi se është ndërprerë kontrata, me marrëveshje të dy palëve.
Sipas klubit verilindor, numri i lartë i futbollistëve të huaj në skuadër, bëri që drejtuesit të kërkonin ta huazonin mbrojtësin në një skuadër tjetër, por kjo nuk u pranua nga lojtari dhe tashmë kanë ndërprerë bashkëpunimin.
Milic do të vazhdojë karrierën në Malin e Zi, teksa menjëherë pas largimit nga Kukësi, ka dalë në stërvitje me Petrovac.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
