Mungesa e akordit në lidhje me rinovimin e kontratës ia ka hapur rrugën skuadrave të mëdha për tu interesuar për talentin e Barcelonës Illaix Moriba. Motivi i refuzimit të 18 vjeçarit lidhet me pagën që përfiton tek katalanasit e cila konsiderohet e pamjaftueshme nga ana e mesfushorit nga Guinea që ka kërkuar 6 milionë euro .
Megjithatë duke qenë se është lojtar me premisa të mëdha për të ardhmen , Manchester City , Real Madridi dhe Juventusi kanë trokitur në derën e kuq e bluve për fillimin e negociatave .
Në të kaluarën ‘’ Galaktikët ‘’ kishin një mundësi të artë për ta transferuar në ‘’ Santiago Bernabeu ‘’ por një aspekt që mund ta penalizojë operacionin në fjalë është rivaliteti i përjetshëm i Real Madridit dhe Barcelonës . Megjithatë aktualiteti tek ‘’ Blaugranët ‘’ ia imponon shitjen e lojtarëve me emër me synimin e përforcimit në aspektin ekonomik por duhet parë se si do të vijojnë zhvillimet e ditëve të ardhshme në lidhje me këtë operacion .
Duhet kujtuar se kontrata e Illaix Moribas merr fund në 30 qershorin e 2022- shit dhe gjithçka mbetet e hapur për të ardhmen . Sezoni për të u finalizua me 18 ndeshje në të cilat arriti të gjejë në një rast rrugën e rrjetës , por tashmë duhet të mendohet për hapin e rradhës sepse pas dere janë skuadra që ofrojnë mundësinë për të kapur majat .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
