Guardiola deklaron të ardhmen

 Një ndër trainerët më të famshëm të futbollit siç është Pep Guardiola orët e fundit ka deklaruar të ardhmen e tij . Katalanasi vjen pas një sezoni në të cilin nuk mundi të kurorëzojë Manchester City-n me trofeun e Champions Leagues  dhe gjatë një evenimenti në Brazil për kompaninë e famshme  Xp Investimentos  ka lënë për të kuptuar se do të respektojë kontratën me ‘’ The Citiziens ‘’ deri në 2023-shin dhe më pas do të marrë në dorë fatet e një kombëtareje.

Dëshira e tij thekson një sfidë të vështirë por eksperienca e akumuluar ndër vite e cila është shoqëruar me trofe të shumtë gjithmonë ia ka mbajtur hapur rrugën trainerit nga Sanpedor  .  Në lidhje me këtë vendim interesant  ‘’ Pep ‘’ ka komentuar kështu :

“  Me duhet të marr një periudhë pushimi për të analizuar hapin e rradhës .   Do të më pëlqente shumë të drejtoja në Kupën e Amerikës , në Botëror ose në një Europian “ , ishin këto fjalët  e gjigandit të trainingut .

 Në lidhje me analizën e  kombëtareve  , Pep Guardiola ka shtuar se të drejtosh kombëtare si përshembull  ajo e ‘’ Seleçaos ‘’ është tepër e vështirë sepse përgjithësisht për drejtimin e tyre përzgjidhen trainerë vendas . 

Megjithatë   duhet theksuar se për çdo kombëtare  do të ishte një privilegj të drejtohej nga ish mesfushori i mirënjohur sepse do t’ia shtonte shanset për të fituar trofe të rëndësishëm . 

Me marrjen e drejtimit të pankinës së bardhekaltërve në 2016-tën Pep Guardiola e ka ndihmuar këtë skuadër të fitojë shumë trofe por i ka shpëtuar nga duart  më i rëndësishmi si ai i  Uefa Champions League  ,  turne në të cilin u mundën nga Chelsea .