Redon Xhixha njofton largimin Tirana

Tashmë është zyrtare, Redon Xhixha, largohet nga skuadra e Tiranës. Sulmuesi do të vazhdojë karrierën në Azerbajxhan, te skuadra e Qarabag.

Xhixha e ka njoftuar vetë largimin nga skuadra e Tiranës, nëpërmjet një postimi në rrjetet sociale.

Ishte kënaqësi, nder dhe krenari të luaja për ekipin më historik dhe më të titulluar në Shqipëri. Të vishja fanellën më të bukur, atë bardhe e blu ishte ndjesi e veçantë për mua. Erdha i thjeshtë dhe po largohem si kampion. Një pjesë e zemrës sime do jetë gjithmonë aty me ju.

Dua të falënderoj presidentin dhe trajnerin bashkë me stafin për mundësinë, përkushtimin dhe durimin që treguan te unë. Dua të falënderoj të gjithë çunat që kam luajtur për 1 vit e gjysmë dhe që kemi ndarë bashkë gëzime dhe mërzitje.

Nuk mund të lë pa përmendur dhe tifozerine më të flaktë që na kanë mbështetur ne çdo ndeshje në fitore dhe në humbje. Shpresoj që rrugët tona të bashkohen përsëri një ditë.