Sfidë e ashpër për Pau Torres

 Qëndërmbrojtësi Pau Torres prej kohësh jo vetëm që konsiderohet një lider tek Villareali por edhe tek ‘’ La Furia Roja ‘’.

Spanjolli ka avancuar me ‘’ Nëndetësen e Verdhë ‘’ dhe shumë shpejt ekipet me emër kanë shprehur interes për 25 vjeçarin. 

Ishi i Malagas ka lënë gjurmë tek Villareali dhe tanimë Interi dhe Sevilla do të masin forcat për të siguruar shërbimet e Pau Torresit .

Zikaltërit e dinë se largimi i mundshëm i Alessandro Bastonit nga ‘’ Giusseppe Meazza ‘’ do të linte një boshllëk në prapavijë dhe ngjashmëria e shtatlartit nga Castellon me italianin e shëndërron në një opsion ideal për skuadrën e Simone Inzaghit.

Ndërsa tek ‘’ Los Rojiblancos ‘’ historia është ndryshe sepse nuk po kalojnë një moment pozitiv për arsye të renditjes në La Liga dhe gjithashtu u eleminuan në Champions League dhe kanë një tjetër shans për tu përfaqësuar në Europa League , kompeticion në të cilin Sevilla ka shumë eksperiencë . 

Argjentinasi Jorge Sampaoli i njeh shumë mirë cilësitë e Pau Torresit, ndër më të mirët në La Liga momentalisht por mungesa e rezultateve është një indikator se në merkaton e ardhshme duhet të jepet maksimumi , për ta nisur sezonin e ri në mënyrën më të mirë të mundshme .