Siç dihet një ndër objektivat kryesorë të Arsenalit në merkaton verore vijon të jetë Declan Rice. Megjithatë për yllin e West Hamit janë interesuar disa nga klubet e elitës angleze , fakt që përbën një lloj vështirësie për ‘’ Topchinjtë ‘’ në lidhje me arritjen e objektivit. Kryeqytetasit kanë dërguar tre oferta në adresë të ‘’ The Hammersave ‘’ së fundmi, ndër të cilat spikat ajo prej 87 milionë eurosh plus 17 milionë të tjera bonuse. Anglezët e kanë refuzuar për arsye se objektivi mbetet arkëtimi i 115 milionë eurove për 24 vjecarin , për të cilin edhe Manchester City vijon të shpresojë në arritjen e akordit. Gjithsesi Mikel Arteta nuk e ka lënë me kaq dhe ka deklaruar një tjetër objektiv nëse s’do të transferohet Delan Rice në ‘’ Emirates ‘’. Youssouf Fofana, falë performancës me Monacon e ka lënë të impresionuar numrin një të pankinës , lajm i bërë me dije nga ‘ L’Equipe ‘ dhe anglezja ‘ Daily Mail ‘. Vlera aktuale e kartonit të mesfushorit 24 vjeçar arrin 25 milionë eurot por ‘’ The Gunners ‘’ s’do ta kenë të lehtë sepse Roma, Inter , Newcastle dhe West Hami vijojnë të shpresojnë për firmosjen me lojtarin nga Parisi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
