Prej shumë kohësh Diego Simeone ka deklaruar se i duhet një sulmues kalibri për të konsoliduar këtë repart në vigjilie të sezonit vijues. Pas Lautaro Martinez listës së ‘’ Los Colchoneros ‘’ i është shtuar përsëri Dusan Vlahovic . Serbit i ka buzëqeshur fati tek Fiorentina edhe pse ‘’ Vjollcët ‘’ prej vitesh notojnë në ujërat e mesit të tabelës . Drejtori teknik i kryeqytetasve Andrea Berta prej kohësh po e analizon këtë tratativë që krijon një lloj entuziazmi në kampin e Atleticos . Lajmit të deklaruar nga gazetari i njohur italian Gianluca Di Marzio i bashkohen edhe disa alternativa të tjera potente si Lautaro Martinez , Dybala , Andre Silva , Gerard Moreno , Milik dhe Rafa Mir ose në të kundërt kampionëve të saposhpallur në La Liga do ti duhet të zgjasin huazimin e Dembeles për të mbushur boshllëkun e krijuar në sulm .
Ky sezon ka rezultuar një ndër më produktivët për Dusan Vlahovic që ka privilegjin e renditjes si golashënuesi i tretë më i mirë i Europës me 21 gola të shënuar pas Robert Lewandovskit me 40 dhe Lionel Messit me 38 .
Pavarësisht se ‘’ Los Rojiblancos ‘’ më në fund kanë arritur të fitojnë La Liga-n , në këtë aspekt i pret një tjetër luftë e ashpër sepse pas sulmuesit nga Beogradi janë vënë skuadrat më të fuqishme të Europës si Real Madridi , Manchester City , Barcelona , Manchester United dhe Liverpool duke shkaktuar një përplasje titanësh të cilave do ti duhet të investojnë 60 milionë euro për ta larguar nga ‘’ Artemio Franchi ‘’.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
