Vendoset për stadiumin, derbi Partizani-Tirana do të luhet në “Air Albania”

Këtë të hënë, do të luhet derbi i kryeqytetit mes Partizanit dhe Tiranës. Më orarin dhe ditën që dihej, kishte mbetur për tu vendosur vetëm stadiumi.

Klubi i Partizanit, që është edhe pritës në këtë takim, bën të ditur se ndeshja do të luhet në stadiumin “Air Albania”.

Njoftimi i klubit Partizani:

Klubi zyrtarizon stadiumin "Air Albania" ku do të zhvillohet takimi Partizani - Tirana i vlefshëm për javën e 24 të Kampionatit. Duke parë interesimin e madh të tifozerisë së kuqe për të qenë sa më e shumtë prezent në këtë ndeshje të rëndësishme, klubi ka vendosur që ndeshja derbi të luhet në stadiumin "Air Albania".