Avokati, Redon Meksi, thotë se sulmuesi i Anglisë, Harry Kane do shumë pasa dhe krosime që të shënojë. I ftuar në “EuroZone” në MCN TV, ai ka thënë se ndeshjet e grupeve nuk janë përcaktuese për fituesin e Europianit.
“Çekia ishte me një fizik shumë të mirë. Kane është mësuar me krosime për të shënuar, do shumë pasa. Çekia luante mirë në kundërsulm, por Anglia ishte e vendosur mirë në prapavijë dhe nuk la asnjë hapësirë për t’u rrezikuar. Ndeshjet e grupit nuk janë përcaktuese. Mos harrojmë se në Europianin e kaluar, Portugalia fitoi pasi kaloi grupin me 3 barazime.”, tha Meksi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
