Dëshira e madhe e skuadrave të njohura për tu fuqizuar vijon të marrë shumë rëndësi me kalimin e ditëve . Eshtë Real Madridi i cili këtë herë është përqëndruar në kampionatin argjentinas pikërisht tek River Plate sepse Carlo Ancelotti është impresionuar nga talenti Julian Alvarez . Para shumë vitesh ‘’ Galaktikët ‘’ arritën me sukses transferimin e Gonzalo Higuain në ‘’ Santiago Bernabeu ‘’ , sulmues që la gjurmë gjatë shtatë sezoneve duke u shëndërruar në një makinë golash tek spanjollët .
Dygolëshi i 21 vjeçarit në derbin me Boca Juniors nuk ka kaluar pa u vënë re nga traineri italian i cili pretendon pasurimin e ofensivës me lojtarë produktivë dhe plot energji dhe Julian Alvarez i përmbush kushtet e vëna nga një ndër gjigandët e trainingut europian dhe jo vetëm .
9 gola dhe 11 asiste në 34 ndeshjet e sezonit aktual konsiderohen një avantazh shumë i madh për të ardhmen e tij sepse dihet botërisht koefiçenti i vështirësisë i të luajturit në një kampionat si ai argjentinas pavarësisht se historikisht llogaritë janë bërë ndërmjet Boca Juniors dhe River Plate .
Një faktor që mund të rezultojë determinant në këtë histori është përshtatja e nxënësit të Marcelo Gallardos në pozicione të ndryshme të sulmit , fakt që e lehtëson arritjen tek golat dhe potenciali i ‘’ Los Blancos ‘’ si në aspektin ekonomik dhe gjithashtu në atë sportiv mund të konsiderohet i mjaftueshëm për transferimin e Julian Alvarez në të magjishmin ‘’ Santiago Bernabeu ‘’.
Një element që s’duhet mënjanuar pavarësisht vlerave të sulmuesit të ‘’ Millonarios ‘’ është përfundimi i kontratës në 30 dhjetorin e 2022- shit që mund ti shërbejë Real Madridit për ta blerë me një çmim të konsiderueshëm .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
