Mesfushori i Lyonit Rayan Cherki është shëndërruar në një ndër lojtarët më të përfolur në Europë, për të cilin u përfol për një kalim të mundshëm tek Real Madridi në të kaluarën.
Pretendentët janë shtuar me kalimin e kohës dhe në Premier League do të zhvillohet një supersfidë midis Chelseat dhe Newcastles për francezin.
Duke qenë se kontrata e 20 vjeçarit me Lyonin skadon në 30 qershorin e 2025-sës, drejtuesit e ‘’ Les Gones ‘’ janë shprehur të gatshëm të analizojnë ofertat për yllin e kësaj skuadre.
Sipas informacioneve të fundit, francezët pretendojnë afro 25 milionë euro për Rayan Cherkin, lojtar i cili pavarësisht performancave për tu harruar të Lyonit në Ligue 1 vijon të shkëlqejë gjatë sfidave.
Një kalim në Premier League do të konsiderohej një progres në karrierë , si në aspektin sportiv ashtu edhe në atë ekonomik, për këtë lojtar i cili në pesë sezone me Lyonin përfshirë aktualin numëron 14 gola dhe 11 asiste në 108 sfida.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
