Prezantohet Gvozdenovic: Të rikthejmë Skënderbeun në nivelet e mëparshme

Skënderbeu zyrtarizoi ditën e sotme trajnerin e ri, Ivan Gvozdenovic, i cili do të marrë vendin e Migen Memellit, që u shkarkua pak ditë më parë.

Në prezantimin e tij, Gvozdenovic, u shpreh se e njeh skuadrën, ndërsa shtoi se Skënderbeu është një ekip i madh dhe i takon ta rikthejnë në nivelet e mëparshme.

Jam i lumtur që ndodhem këtu, Korça është e ftohtë, por jam ndjerë ngrohtë sapo kam shkelur në stadium. Skënderbeu është një klub i madh dhe ne na takon të rikthejmë klubin sërish në nivelet e mëparshme.

E njoh grupin, kemi kualitete por duhet të punojmë me anën psikologjike dhe mentalitetin e lojtarëve. Ne jemi Skënderbeu, si në ndeshjet në shtëpi por edhe jashtë do të shkojmë vetëm për fitore.