Drejtuesit e Barcelonës vijojnë të fokusuar maksimalisht tek merkatoja dhe Xavi Hernandez ka filluar ti bëjë llogaritë edhe për sezonin vijues.
Një ndër pozicionet që nuk e ka bindur spanjollin është mesfusha, i cili në të kaluarën ishte një ndër lojtarët më të mirë në botë.
Piotr Zielinski po monitorohet me kujdes nga ish kampioni i Europës dhe botës me ‘’ La Furia Rojan ‘’, kontrata e të cilit me Napolin skadon në 30 qershor.
Ky fakt thekson se ‘’ Los Cules ‘’ mund ta transferojnë polakun në ‘’ Camp Nou ‘’ me parametër zero, i cili ndër vite ka lënë gjurmë tek ‘’ Il Partenopei ‘’.
Eksperienca e ishi-t të Empolit shikohet si një faktor determinant nga Xavi Hernandez por për shërbimet e tij është futur në garë edhe Interi.
Do të jetë një sfidë disi e vështirë për ‘’ Blaugranët ‘’ sepse zikaltërit janë një skuadër që s’duhet nënvlerësuar, pasi mund të befasojnë atëherë kur nuk e pret.
29 vjeçari numëron 24 sfida dhe 3 gola në sezonin aktual, i cili po rezulton për tu harruar për fituesit në fuqi të Scudettos,të cilët për më tepër janë jashtë Europës momentalisht.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
