Lëvizjet e shumta të Manchester United në lidhje me merkaton verore orët e fundit e kanë ndalur vrullin tek Pau Torres . 24 vjeçari po zhvillon një sezon për tu mbajtur mend me Villarealin , skuadër që nuk ka vonuar dhe ka deklaruar vlerën e kartonit të spanjollit . Mbrojtësi është një pikë referuese në repartin mbrojtës për trainerin Unay Emery dhe ka kontribuar mjaftueshëm për performancën pozitive të ‘’ Nëndetëses së Verdhë ‘’ gjatë sezonit aktual .
Sipas zërave brenda klubit drejtuesit e Villarealit kanë theksuar se vlera e prishjes së kontratës me spanjollët arrin shifrën e 65 milionë eurove . Megjithatë nga ana e ‘’ The Red Devilsave ‘’ nuk ekziston një ofertë zyrtare por tashmë janë të qartë për rrugën që duhet të ndjekin për ta transferuar në të magjishmin ‘’ Old Trafford ‘’ . Përpara dy sezonesh gjigandët e Premier Leagues bënë një investim potent me blerjen e Harry Maguire për të cilin derdhën në arkat e Leicester City-t 85 milionë euro dhe shifra e lartpërmendur për Pau Torres konsiderohet disi e tepruar nga krerët e Manchester United pa vënë në pikpyetje në asnjë moment vlerat e padiskutueshme të lojtarit nga Castellon .
Momentalisht prioriteti i anglezëve është gjetja e një zëvëndësuesi ideal për Edinson Cavanin sepse janë të vetëdijshëm se për të mbretëruar në kontinentin e vjetër nuk i duhen vetëm lojtarë kalibri por elementë të denjë që përshtaten në perfeksion me taktikat dhe kërkesat e numrit një të pankinës Ole Gunnar Solskjaer .
Një tjetër aspekt që do të shkaktonte një lloj revolucioni brenda skemave të norvegjezit është se kalimi i mundshëm i nxënësit të Unay Emery-s në Manchester do të detyronte ‘’ Djajtë e Kuq ‘’ të nxirrnin në shitje suedezin Victor Lindelof , operacion që do të balanconte disi shumën që kërkon Villareali për tu përshëndetur me Pau Torres . Ish-i i Malagas vazhdon ta forcojë figurën ndeshje pas ndeshje dhe deri në këtë moment numëron 32 të luajtura në të cilat i ka krijuar një siguri repartit defensiv të Villarealit , ekip që mbetet në pozicione të favorshme për të qenë pjesëmarrës në kupat e Europës gjatë sezonit vijues .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
