Klauzola e prishjes së kontratës me Romën e cila arrin 12 milionë eurot, e shëndërron Paulo Dybalan automatikisht në një opsion shumë interesant gjatë merkatos verore.
Drejtuesit e Barcelonës vijojnë kërkimin e lojtarëve me eksperiencë në metrat e fundit dhe Xavi Hernandez është i bindur se mund të sjellë një ndryshim tek katalanasit.
Nëse e analizojmë në termat rendiment-vlerë kartoni, natyrisht sulmuesi nga Kordoba meriton të merret në konsideratë , për të cilin edhe Manchester United dhe Interi kanë treguar interes.
Si ‘’ Djajtë e Kuq ‘’ ashtu edhe zikaltërit do të jenë rivalë shumë të ashpër dhe nxënësi i Jose Mourinhos mund të shëndërrohet në një ndër protagonistët e merkatos verore .
Megjithatë, duhet të kihet parasysh edhe fakti se ‘’ Azulgranët ‘’ vijojnë të kenë probleme të theksuara në aspektin ekonomik dhe në njëfarë mënyre i japin një avantazh të lehtë anglezëve dhe italianëve për të firmosur me një ndër lojtarët më të rrezikshëm në të kaluarën, sidomos në Scudetto, i cili la shenjë për vite me rradhë me Juventusin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
