Peshëngritësi nga Uganda, Julius Ssekitaleko është arratisur nga grumbullimi me ekipin kombëtar në Japoni. 20-vjeçari ishte planifikuar të merrte pjesë në Lojërat Olimpike, të cilat startojnë vetëm pas pak ditësh.
Megjithatë ai nuk ia doli të kalonte provën dhe ditën e sotme duhej të largohej nga Japonia, bashkë me delegacionin e tij.
Por, sportisti vendosi të arratiste nga grumbullimi ku po qëndronte. Në një letër të cilën ia kishte lënë shokëve ai kishte shkruar: “Jeta në vendin tim është shumë e vështirë. Ju lutem të gjithëve që sendet e mia, t’ia dërgoni bashkëshortes në Uganda”.
Ssekitaleko u arratis nga grumbullimi ditën e premte, ndërsa me vete kishte marrë vetëm celularin, pasi pasaportën e kishte ekipi i Ugandës. Policia është vënë në lëvizje dhe në kërkim të peshëngritësit, teksa thuhet se është parë për herë të fundit rreth 120 milje larg vendit ku po qëndronte.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
