Milani mendon për Milenkovic

 Pas Gianluigi Donnarummas  Milani rrezikon të ketë përsëri probleme me largimin e peshave të rënda .  Eshtë mbrojtësi Alessio Romagnoli për të cilin  Manchester United dhe Manchester City kanë hedhur hapat për t’ia rrëmbyer  kuqezinjve në merkato .   Skuadra të niveleve të tilla që për më tepër kanë arritur objektivat në sezonin e kaluar gjithmonë përgatiten për më të keqen dhe deklarojnë zëvëndësuesit e mundshëm të yjeve që  rrezikojnë largimin .  Drejtori sportiv Paolo Maldini ka udhëtuar disa kilometra larg Milanos  , pikërisht në Firence ku ka piketuar  mbrojtësin  Nikola Milenkovic. 

Fiorentina do të nisë një tjetër etapë në histori  sepse do të ketë në pankinë ishi-n e Milanit dhe Napolit Gennaro Gatusso dhe në plan të parë nuk do ta kishte problem largimin e 23 vjeçarit nga ‘’ Artemio Franchi ‘’ sepse është e vetëdijshme për fuqinë ekonomike të Milanit  që do ti shërbente për të ndryshuar  strukturën e deritanishme.    Serbi është një lojtar tejet  i preferuar në Scudetto  dhe  niveli i tij në sezonin e sapopërfunduar ka shënuar rritje të konsiderueshme .  Stefano Pioli   ka marrë një leksion shumë të rëndësishëm me humbjen e kampionatit në metrat e fundit  dhe  do të kërkojë që të jetë në lartësinë e duhur  jo vetëm për të mos përsëritur këtë episod zhgënjyes por që Milani të tregojë furinë edhe në Uefa Champions League .    

Pavarësisht se  ‘’ Vjollcët ‘’ e kanë humbur protagonizmin e dikurshëm  dhe aktualisht konsiderohen një skuadër e mesit të tabelës   kanë treguar se mund ti rrisin vlerën lojtarëve dhe ti përgatisin për sfidat e të ardhmes . Në 37 ndeshjet e këtij sezoni Nikola Milenkovic ka siguruar një gjysëm  bilete drejt suksesit dhe gjatë merkatos do ti takojë të zgjedhë mënyrën se si do ta vazhdojë karrierën .  

Nëse i bëhet një përmbledhje perspektivës së Milanit dhe situatës së komplikuar  të përjetuar me Fiorentinën pavarësisht se ka nxjerrë në pah vlera të mëdha ,   pa dyshim peshorja anon nga ‘’ Rossonerët ‘’ sepse garantojnë shumë për këtë futbollist  . 

Largimi i mundshëm i Alessio Romagnolit do të ishte një humbje e madhe për Milanin por skuadra me histori të pafundme suksesi gjithmonë e gjejnë zgjidhjen  për të shkuar drejt lavdisë.