Tashmë i konsideruar një emblemë tek Atletico Madridi, me mbi 400 ndeshje të zhvilluara, Antoine Griezmann duket se është drejt largimit nga ‘’ Wanda Metropolitano ‘’.
Tratativat e drejtuesve për ti gjetur zëvëndësues francezit e përforcojnë këtë ide, i cili me shumë gjasa do ta vijojë karrierën në Major League Soccer.
Diego Simeone nuk është vonuar aspak dhe e ka bërë zgjedhjen e tij në La Liga. Bëhet fjalë për Alberto Moleiron, një lojtar shumë teknik, i aftë për ti krijuar probleme çdo rivali.
Edhe në të kaluarën mesfushori është pretenduar nga Milani dhe vlera e kartonit në merkato aktualisht i arrin 30 milionë eurot.
Për ‘’ Los Rojiblancos ‘’ është e domosdoshme mbërritja e 21 vjeçarit në kryeqytetin spanjoll pasi sigurisht largimi i ish kampionit të botës me Francën do të jetë një humbje për skemat e ‘’ El Cholos ‘’.
Me avancimin e deritanishëm Alberto Moleiro pa dyshim është shëndërruar në një ndër më të mirët kryesisht në La Liga në pozicionin ku aktivizohet dhe Atletico Madridi mund të përfitojë shërbimet e tij gjatë periudhës së transferimeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
