Problemet e hasura tek Real Madridi ia kanë vështirësuar qëndrimin Martin Odegaard në ‘’ Santiago Bernabeu ‘’ . Nordiku nuk e ka gjetur gjuhën e përbashkët me trainerin Carlo Ancelotti i cili kërkon të formojë një ekip kompetitiv për rikthimin tek suksesi . Impakti i dhënë në miqësoren e humbur kundër Rangers e shtoi pakënaqësinë e italianit i cili sipas Cadena Ser i ka informuar se nuk e ka në planet e tij për sezonin që pritet të startojë së shpejti .
Ditët vijuese parashikohet se do të na ofrojnë një panoramë më të qartë mbi të ardhmen e 22 vjeçarit i cili sipas raportimeve të Defensa Central po mendon seriozisht rikthimin në ‘’ Emirates ‘’ , atje ku është ndjerë gjithmonë i lumtur falë besimit të Mikel Artetas .
Me ‘’ Topchinjtë ‘’ ishi i Real Sociedad ka impresionuar në të kaluarën dhe mendohet se mund të rikuperojë buzëqeshjen e munguar pavarësisht se 13 herë kampionët e Premier Leagues nuk do të jenë pjesemarrës në Europë . Momentalisht rikuperimi i formës optimale mbetet prioriteti i një lojtari që ka përjetuar një sërë kalvaresh fillimisht nën drejtimin e Zinedine Zidane dhe tashmë me Carlo Ancelottin në pankinën kryeqytetase .
Për këte arsye në bazë të performancës të së kaluarës shansi i vetëm për të është rikthimi tek ‘’ The Gunners ‘’ për të gjetur rrugën e humbur .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
