Juventusi, në garë për Thiago Almadan

  Rendimenti i shkëlqyer në fushën e blertë po i siguron pretendentë me kalimin e ditëve Thiago Almadas.

 Argjentinasi po avancon me sukses edhe tek Atletico Madridi, për të cilin Juventusi është futur në garë. 

Ishi i Botafogos po bën hapa të sigurtë drejt një të ardhmeje të ndritur dhe ky fakt nuk mund të anashkalohet kurrsesi nga ekipet e elitës në kontinentin e vjetër. 

Priten negociata jo të lehta për arsye të rëndësisë në 11-shen e ‘’ El Cholos ‘’ dhe interesi i ‘’ Zonjës së Vjetër ‘’ ia rrit automatikisht vlerat 24 vjeçarit. 

Bardhezinjtë po e mendojnë seriozisht huazimin e mesfushorit me opsionin e blerjes përfundimtare të kartonit në vijimësi të cilët janë të gatshëm të sfidojnë Napolin dhe Gremion.

 Vlera e kartonit të Thiago Almadas momentalisht i arrin 40 milionë eurot dhe presidenti Enrique Cerezo pretendon të arkëtojë rreth 20 milionë euro për huazimin tek ish rekordmenët e Scudettos. 

Ideja e trainerit Luciano Spalletti është formimi i dyshes me Kenan Yildiz e cila mund ti japë avantazhe torinezëve në çdo kompeticion. 

Në pjesën e mbetur të merkatos së janarit pritet një sfidë shumë e fortë për këtë lojtar mjaft premtues, i grumbulluar rregullisht edhe nga traineri i kombëtares ‘’ Albiceleste ‘’ Lionel Scaloni.