Që prej kalimit tek Real Madridi, karriera e Eduardo Camavingas ka ndryshuar në çdo aspekt.
Mesfushori mbetet një ndër referentët tek ‘’ Galaktikët ‘’, për të cilin së fundmi është interesuar Bayern Muncheni.
Krerët e gjermanëve kanë përgatitur rreth 100 milionë euro për ishi-n e Rennes, i cili konsiderohet një lojtar shumë potent, i aftë për të zgjidhur situata të ndërlikuara gjatë sfidave dhe për përshtatjen në disa pozicione.
Megjithatë, ‘’ Los Blancos ‘’ nuk e mendojnë në asnjë mënyrë shitjen e 22 vjeçarit por interesi i një gjigandi si Bayern Muncheni besohet se do të analizohet gjatë kalimit të kohës.
Merkatoja e verës po afron dhe parashikohet se Eduardo Camavinga do të jetë një ndër protagonistët e saj, një ndër më të mirët aktualisht në pozicionin ku aktivizohet.
2 gola dhe 2 asiste në 33 sfida numëron nxënësi i Carlo Ancelottit, i cili ka fituar çdo trofe të mundshëm me kryeqytetasit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
