Vështirësitë për të transferuar Kieran Trippier vijojnë për Bayern Munchenin në këto ditë të fundit të merkatos.
Drejtuesit e Newcastle e refuzuan ofertën e bavarezëve prej 15 milionë eurosh por pavarësisht këtij fakti gjermanët do të vijojnë insistimin për anglezin.
Krahu i djathë i mbrojtjes nuk e ka bindur Thomas Tuchelin në fazën e parë të sezonit dhe tek një ekip që aspiron për fitimin e titujve, diçka e tillë është e patolerueshme.
Megjithatë, negociatat midis palëve nuk kanë rezultuar në favorin e gjigandëve të Bundesligës dhe më gjerë, të cilët gjithsesi kanë ende kohë për arritjen e objektivit.
33 vjeçari është një lojtar me shumë eksperiencë, sidomos në Premier League, i cili fillimisht spikati tek Tottenham Hotspuri dhe më pas vendosi për Atletico Madridin.
Sezoni aktual është i treti në ‘’ St James Park ‘’, të cilit i duhet të vendosë nëse do ti qëndrojë besnik bardhezinjve apo do të kalojë në ‘’ Allianz Arena ‘’.
28 sfidat e deritanishme me klubin më të pasur në botë kanë rikonfirmuar cilësitë e padiskutueshme të Kieran Trippier, i cili shquhet edhe për inkursionet e shpeshta drejt portave kundërshtare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
