Në Shkodër, pas fitores me Partizanin, duket se ka një tjetër klimë besimi. Mariglen Zhivani, gazetar sportiv, tha në studion e MCN Informacion se skuadra këtë vit ka arritur një nivel përgatitjeje që i lejon përballjen me këdo.
Vllaznia e ka rritur nivelin. Këtë sezon ka një skuadër që mund të përballet me këdo. Është normale që në futboll të ketë oshilacione. Martini ka sjellë qetësi, disiplinë dhe një frymë të fortë.
Kampionati është i paparashikueshëm. Partizani, Dinamo dhe Egnatia mbeten rivalët kryesorë. Është një kundërshtar për t’u pasur kujdes nga çdo ekip. Ndoshta edhe Teuta e Flamurtari kanë investuar shumë, por duan kohën e përshtatjes.
Pritshmëritë janë të larta në Shkodër. Lojtarët duhet ta shohin si motivim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
