Paqartësia për vijimin tek Juventusi e ka vënë në rrezik qëndrimin e Paulo Dybalas në ‘’ Allianz Stadium ‘’. ‘’ La Joya ‘’ nuk ka rinovuar akoma kontratën me ‘’ Zonjën e Vjetër ‘’ dhe Interi është afruar dhe do të tentojë ta largojë nga Torino .
Problematikat e kohëve të fundit me ish kampionët e Scudettos nuk janë anashkaluar nga zikaltërit të cilët kërkojnë të përfitojnë nga mosgjetja e gjuhës së përbashkët së sulmuesit me krerët e skuadrës .
Dështimi në verën e kaluar për 28 vjeçarin ia ka rindezur përsëri motorrët Interit dhe juventinët duhet të bëjnë kujdes sepse flitet për rivalët direktë të Serisë A të cilët e mposhtën me meritë në sezonin e kaluar.
Interesi i Interit sigurisht do t’ia përshpejtojë aksionet presidentit Andrea Agnelli i cili e di shumë mirë për rrezikun që i kanoset skuadrës së tij nëse s’do të arrijë marrëveshjen me golashënuesin argjentinas .
Flitet se italiani do ta rikompensojë sakrificën e Paulo Dybalas ndër vite me një rritje rroge që do të kapë 8 milionë eurot ne sezon dhe do ta klasifikojë ishi-n e Palermos ndër më të paguarit tek Juventusi .
Tashmë topi është në anën e drejtuesve të cilët e kanë në dorë për të penguar largimin e një ndër sulmuesve me produktivë në sezonet e fundit sidomos kur pas dere janë kundërshtarët direktë për kampionatin .
Në krahasim me sezonet e shkuara nxënësi i Massimiliano Allegrit ka rënie të dukshme në lojë , me 9 gola dhe 4 asiste në 20 ndeshje por italiani vijon të besojë se situata e sulmuesit nga Kordoba do të ndryshojë dhe do të jetë përsëri determinant në repartin e avancuar .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
