Crvena Zvezda tregoi se nuk është në gjendje për tu përballur në një garë me ekipe të mëdha, pasi ka pësuar një humbje të thellë sonte kundër Paris Saint-Germain.
Njeriu i ndeshjes për parizinët ishte ylli brazilian Neymar, i cili shënoi një tripletë.
Që në pjesën e parë PSG shënoi katër gola duke mbyllur çështjen e fitores së takimit.
Braziliani Neymar nisi serinë e golave në minutën e 20 ku brenda dy minutave shënoi dy gola.
Epërsia për 3-0 e rriti Edison Cavani në minutën e 37-të, ndërsa për 4-0 shënoi mesfushori Angel Di Maria në minutën e 42-të.
Edhe në pjesën e dytë golat dhe spektakli nuk munguan.
Kampioni i Botës Kylian Mbappe shënoi në minutën e 70-të, ndërkohë për serbët golin e nderit e shënoi Marko Marin në minutën e 74-të.
Neymar e kompletoi tripletën në minutën e 81-të me një gol nga goditja e dënimit.
Me këtë fitore, PSG është në vendin e parë me 3 pikë, aq sa ka Liverpool, por që sonte zhvillon ndeshjen e tyre kundër Napolin në Sao Paolo.
Ndërsa Shalke 04 ka marrë tre pikë të rëndësishme në fitoren e saj në transfert ndaj Lokomotivës së Moskës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
