Nevil Dede, në rolin e analistit, është shprehur se Belgjika ndryshoi fytyrë në pjesën e dytë ndaj Danimarkës. Në “Euro Zone” në MCN TV, Dede ka thënë se ishte një ndeshje me dy tablo.
“Ishte një ndeshje me dy tablo. Në pjesën e parë Belgjika nuk ekzistonte. Për mua ka disa pozicione më ta mira në botë. Pjesa e parë mund të mbyllej 2-0 ose 3-0 për Danimarkën. Në pjesën e dytë u shfaq Belgjika dhe unë mendoj se është e frikshme, madje edhe për Francën. 10 më i mirë është De Bruyne. Nuk e them unë, por statistikat. Lukaku u ndez në pjesën e dytë, në të parën shumë gjëra nuk funksiononin. Unë mendoj se ishte një entuziazëm të madh në pjesën e parë. Ata janë vikingë dhe në fund fare do të festojnë, edhe nëse humbin. Në pjesën e dytë u futen disa ustallarë, si De Bruyne dhe Witsel, që ndryshuan lojën.", tha Dede.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
