Muja: Rrotacioni ndaj Bullgarisë i bëri mirë lojtarëve, shpresoj të shënoj në nëntor

Arbnor Muja, u shfaq i lumtur për fitoren në miqësore ndaj Bullgarisë, ndonëse nuk arriti të gjejë dot golin.

Pas ndeshjes, sulmuesi tha se ndeshja ishte marrë shumë seriozisht dhe shtoi se rrotacioni ishte i nevojshëm, pasi i bën mirë lojtarëve që kishin më pak minuta.

E kishim përgatitur ndeshjen gjatë javës, Trajneri e përgatiti që ta merrnim shumë seriozisht, jo si miqësore.

Ky rrotacioni ishte shumë i nevojshëm për disa lojtarë, që të kishin më shumë minuta. Rezultati dhe ndeshja ishte fantastike. Fituam ashtu siç e kishim përgatitur ndeshjen. Pas 2-0 kërkonim të shënonim më shumë, pasi morali i kundërshtarit bie.

Dua të falënderoj tifozët për mbështetjen. Koha nuk ishte e mirë dhe përsëri erdhën për të na përkrahur. Shpresoj që në dy ndeshjet e ardhshme në nëntor të gjej golin, për të lumturuar veten dhe tifozët.