Atletico Madridi nuk ka preferuar ta shkëpusë vëmëndjen nga Primera Division për objektivin e rradhës . '' Los Colchoneros '' këtë herë kanë guxuar të peshkojnë tek Barcelona duke piketuar Jordi Alban .
Duke qenë se Renan Lodi është drejt largimit nga '' Wanda Metropolitano '' Diego Simeone kërkon ta përforcojë ashtu siç duhet këtë pozicion me një ndër anësorët më kualitativ në qarkullim.
Situata e vështirë ekonomike e Barcelonës i ka detyruar
drejtuesit për ti reduktuar rrogën disa komponentëve të rëndësishëm të skuadrës dhe në rast të mosakordimit të këtij objektivi nga të dyja palët , '' Los Cules '' do të detyroheshin ta vendosnin spanjollin në merkato .
Hyrja në luftë e Atleticos shënon një risi në karrierën e 32 vjeçarit e cila është shoqëruar me shumë suksese përgjatë viteve dhe mbetet një lojtar me vlera të padiskutueshme .
Përveç aspektit ekonomik në këtë çështje përfshihet edhe dëshira e Barcelonës për të firmosur
me lojtarin e Valencias Jose Luis Gaya që është preferenca kryesore e Ronald Koeman për krahun e majtë të mbrojtjes .
Transferimi i mundshëm i Jordi Albas në kryeqytetin spanjoll do të rezultonte një prej lëvizjeve më të bujshme të merkatosdhe do ti shërbente shumë Diego Simeones për të konsoliduar aspektin mbrojtës pa lënë në harresë ndihmën në sulm për faktin se është një lojtar polivalent i cili karakterizohet nga një shpejtësi mbresëlënëse që ia rrit efikasitetin në çdo cep të fushës .
Ky sezon ka folur me superlativa për Jordi Alban sepse ka zhvilluar shumicën e ndjeshjeve , konkretisht 49 të tilla dhe ka gjetur në 5 raste rrugën e rrjetës .
Me fitimin e kampionatit traineri argjentinas kërkon të forcojë çdo pozicion dhe Jordi Alba është një kandidat i shkëlqyer për të marrë në dorë fatet e krahut të majtë të mbrojtjes së '' Los Rojiblancos ''.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
