Sulejman Starova, specialist futbolli, në emisionin “Skaner” në MCN TV, deklaroi se për Egnatian do të ishte e rëndë, nëse nuk e mbyll vendin e parë kampionatin.
Sipas tij, për rrogozhinasit, do të ishte goditje psikologjike, para “Final Four”, nëse humbasin kryesimin.
Shtohet diskutimi edhe për vendin e parë, po ashtu edhe Teuta që do vendin e katërt. E vetmja ndeshje pa interes, ishte Erzeni-Kukësi. Tek Egnatia do të jetë e dëmshme nëse humb vendin e parë, para ‘Final Four’. Kanë kryesuar gjithë sezonin dhe nga ana psikologjike do ishte e rëndë.
Për Egnatian e gjithë Shqipëria thotë se është kampionia e këtij sezoni. Është goditje e madhe për ta, nëse nuk e mbyllin vendin e parë. Është shumë e rëndë për Egnatian, që të humbasë vendin e parë, në një kampionat që po e dominonte.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
