Ndalet bojkoti, të mërkurën nisin ndeshjet e Kategorisë Superiore

I jepet fund bojkotit të futbollit.

Liga Profesioniste zhvilloi sot një mbledhje me përfaqësuesit e 10 ekipeve të Superiores, ku u vendos t’i jepet fund bojkotit.

Në takimin e sotëm u ra dakord që Kategoria Superiore të fillojë ditën e mërkurë, 4 nëntor.

Ndërkohë, futbolli për skuadrat e Superiores fillon të dielën, me ndeshjet e Kupës, ndërsa ditën e mërkurë do të startojë kampionati i Kategorisë Superiore.

Vendimi vjen një ditë pasi deputeti Fidel Ylli, i cili ishte negociator i qeverisë, deklaroi se katër kërkesat e klubeve janë në tryezën e kryeministrit dhe futbolli duhej të fillojë.