Paulo Dybala është në përfundim të kontratës së tij me Juventusin dhe në fund të sezonit do të largohet.
Interesimet në drejtim të argjentinasit nuk mungojnë, por duket se ai e ka një dëshirë ku dëshiron të vazhdojë karrierën. Sipas asaj që raporton “Corriere dello Sport”, argjentinasi pëlqen një kalim të tij te skuadra e Milanit.
“La Joya” do të përshtatej shumë mirë me skemat e Piolit dhe për këtë arsye thuhet se në rast se qëndron në Itali, dëshiron kalimin te Milani, para Interit. Këta të fundit e ndjekin prej kohësh, por në javët e fundit duken disi të tërhequr për shkak se duhet të bëjnë një sakrificë financiare, për pagën e lojtarit.
Pikërisht rroga është problem edhe te Milani, me kuqezinjtë që nuk ofrojnë pagë më të madhe se 4.5 milionë euro në sezon, praktikisht sa gjysma e asaj që kërkon Dybala. Sulmuesi ka dhënë dritën jeshile agjentëve të tij të nisin bisedimet me Milanin, por një marrëveshje duket e vështirë.
Për 28-vjeçarin ka pasur edhe interesime nga Premier League, nga Arsenal dhe Newcastle, por thuhet se vetë lojtari i ka refuzuar propozimet e dy klubeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
