Pas largimit të Milan Skriniar , Interi është vënë në ndjekje të një zëvëndësuesi ideal por emri i cili me shumë po qarkullon së fundmi është ai i Andreas Christensen .
Danezi ka befasuar gjatë këtij sezoni dhe me shumë meritë është shëndërruar në një ndër më të mirët e Barcelonës në prapavijë, repart ku ka formuar një dyshe të pathyeshme me uruguajanin Ronald Araujo.
Ndërsa ‘’ Los Cules ‘’ i kanë shtuar dy trofe të rëndësishëm vitrinës si Primera Division dhe Superkupën e Spanjës por duke patur parasysh situatën e ndërlikuar të tyre në aspektin ekonomik , Interi synon të përfitojë dhe ta arrijë akordin me 27 vjeçarin.
Gjithsesi Barcelonës do ti duhet t’ia hapë dyert e largimit disa lojtarëve për tu përmirësuar dhe parashikohet se shitja e qendërmbrojtësit mund të arrijë 50 milionë eurot.
Për suksesin në kompeticionet pjesmarrëse sigurisht duhet të punohet më fort gjatë merkatos nga ana e drejtuesve por duhet theksuar se pas fitimit të Kupës së Italisë , Interit i mbetet edhe finalja e Champions Leagues kundër një rivali të frikshëm siç është Manchester City.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
