Chelsea , ofertë për Achraf Hakimin

 Drejt largimit nga Interi,  tashmë  në drejtim të mbrojtesit  Achraf Hakimi priten oferta tunduese  .  Momentalisht shanset më të mëdha për të firmosur me marokenin i ka Chelsea , ekip që vjen  nga një sezon shumë produktiv  të cilin e finalizoi me fitimin e Champions Leagues.  Duke ditur se zikaltërit kanë shumë nevojë  për të ecur drejt rrugës së rimëkëmbjes ekonomike , ‘’ Blutë e Londrës ‘’ kanë menduar t’ia plotësojnë këtë dëshirë duke ofruar  60 milionë euro plus mbrojtësin Marcos Alonso .  Traineri Thomas Tuchel prej kohësh e ka vënë në fokus   Achraf Hakimin , lojtar që nëse do të vendoste transferimin në ‘’ Stamford Bridge ‘’ do të bënte kapërcimin nga një  ambjent fitues tek një tjetër  . 

Aktualisht 19 herë kampionët e Scudettos nuk kanë dhënë një përgjigje konkrete në lidhje me 22 vjeçarin  sepse të sapoemëruarit Simone Inzaghi i duhet akoma kohë për të vlerësuar gjendjen e lojtarëve me qëllimin e nisjes me këmbën e mbarë të aventurës në ‘’ Giuseppe Meazza  ‘’.   Ky operacion  nëse do ta ketë fundin e lumtur do të theksonte rikthimin e Marcos Alonsos në Serinë A  i cili në të kaluarën  u aktivizua për 4 sezone me Fiorentinën dhe patjetër që njohuritë mbi këtë kampionat janë të  konsiderueshme . Entuziazmi në kampin londinez nuk ka ndalur për asnjë sekondë sepse fitimi për të dytën herë  në histori i Champions Leagues  e rrit përgjegjësinë dhe i  jep të drejtë ish trainerit të Borussia Dortmundit ti shpalosë çdo lloj kërkese miliarderit  Roman Abramovich  dhe në këtë rast është  plotësisht i justifikuar . 

Patjetër që një ekip fitues ka gjithmonë nevojë për afrimin e lojtarëve me të njëjtin standart për të qënë në nivelin e duhur  sezonin vijues  ku presioni do të bjerë i gjithi mbi ta , sidomos në  Uefa Champions League.

Gjithashtu duhet shtuar se performanca e  zikaltërve s’ka nevojë për shumë koment sepse  ia ka lartësuar figurën komponentëve më të rëndësishëm të tyre  dhe nga një anë theksohet  një vështirësi për ti mbajtur , dhe në tjetrën për faktin se do të kenë presionin e ruajtes së titullit të fituar i cili ka shënuar në një lloj mënyre një rekord me vete sepse kanë zbritur nga froni Juventusin pas 9 sezonesh rradhazi .

Me këtë profil krejtësisht të krijuar  me meritë Achraf Hakimi nëse vendos për ndërrimin e  Milanos me Londrën  do të shëndërrohej në një ndër  lëvizjet më të nxehta të verës , aty ku do ta priste një formacion kampionësh .