Trajneri i Shqipërisë, Edoardo Reja, ka qenë i pranishëm në stërvitjen e paradites te Kombëtarja e 19-vjeçarëve. Tekniku italian, së bashku me stafin e tij, kanë bërë një vizitë në stërvitjen e Shqipërisë U-19, e cila drejtohet nga Armando Cungu.
Reja u ka kërkuar lojtarëve që ta marrin sa më seriozisht dhe të punojnë fort e me përkushtim për të vazhduar më tej rrugëtimin në radhët e ekipeve Kombëtare. Ai ka këshilluar lojtarët që të impenjohen maksimalisht për të krijuar një grup të mirë dhe të pretendojnë për të marrë rezultate sa më pozitive. Gjithashtu, trajneri i Kombëtares i ka siguruar të rinjtë se ata janë nën monitorim të vazhdueshëm nga specialistët e futbollit në FSHF dhe kanë të gjithë vëmendjen e duhur.
Kombëtarja shqiptare U-19 ka nisur që prej ditës së diel grumbullimin në kuadër të ndeshjeve kualifikuese të vlefshme për Kampionatin Europian 2022.
Shqipëria U-19 do të zhvillojë ndeshjen e parë ndaj Francës më 10 nëntor në stadiumin “Egnatia”, ndërsa dy ndeshjet e tjera kundër Serbisë më 13 nëntor dhe Maqedonisë së Veriut më 16 nëntor do t’i luajë në Elbasan Arena.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
