Inter u rikthye të fitojë titullin kampion në Itali, pas 11 viteve pritje, duke thyer kështu hegjemoninë e Juventus. Zikaltërit e drejtuar nga Antonio Conte zhvilluan një sezon të shkëlqyer, duke rrëmbyer vendin e parë, që për gjysmën e sezonit u mbajt nga Milan. Nga ana tjetër Juventusi kishte një sezon me shumë ulje-ngritje, duke rrezikuar seriozisht kualifikimin në Champions League, të cilin e arritën vetëm në javën e fundit, duke përfituar nga ndalesa që Hellas Verona i bëri Napolit. Megjithatë pavarësisht vështirësive, “Zonja e Vjetër” e mbylli sezonin me dy trofe të fituar, atë të Kupës së Italisë dhe Superkupën.
Pikërisht për shkak se fituan Kupën e Italisë, Juventus do të luajë në finale e Superkupës me Interin kampion. Në Itali kanë zbuluar edhe vendin ku do të luhet. Do jetë Arabia Saudite shteti që do presë finalen e Superkupës. Në fakt aty ishte planifikuar të zhvillohej finalja e sezonit aktual, por për shkak të situatës së krijuar nga Covid -19, ndeshja u luajt në Itali. Siç ndodhi edhe këtë sezon, ndeshja e Superkupës do të luhet në janar të vitit tjetër
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
