Carlo Ancelotti kërkon Richarlison tek Reali

Rikthimi i  Carlo Ancelottit në ‘’ Santiago Bernabeu ‘’ pa dyshim që do të  konceptohet si një ndër risitë më tunduese  të merkatos .  Italiani ka gjetur një ambjent të zhgënjyer nga rezultatet e arritura gjatë sezonit të përfunduar dhe objektivi kryesor i tij është ripozicionimi i tyre në stadin që meritojnë .  61 vjeçari e ka të qartë se transferimet  që duhen  gjatë verës janë të shumta  sepse pa një merkato cilësore nuk mund të shkojë asgjëkundi pavarësisht se është një bishë e trainingut. Domosdoshmëria për të finalizuar kapitullin e zi të Real Madridit e ka detyruar të fillojë menjëherë nga puna për përcaktimin e objektivave dhe një ndër to është  sulmuesi i Evertonit Richarlison . Ky peticion konsiderohet llogjik dhe është një alternativë e freskët sepse i  njeh shumë mirë cilësitë e nxënësit të tij .  

Disa vite më parë emri i brazilianit u lidh ngusht me një kalim tek ‘’ Los Blancos ‘’ por  rikthimi i Carlo Ancelottit i jep një shije ndryshe interesit të Real Madridit sepse relatat ndërmjet këtij sulmuesi dhe italianit mbeten shumë të mira .  Tentativa për Richarlison është planifikuar për zëvëndësimin e golashënuesit Karim Benzema i cili është në metrat e fundit  të karrierës  dhe do ta shpejtonte largimin e Luka Jovic dhe Mariano Diaz  . 

 Për 24 vjeçarin mund të flitet vetëm me superlativa sepse konsiderohet si një ndër risitë e të ardhmes në repartin e avancuar   pavarësisht se nuk ka arritur maksimumin e mundshëm tek ‘’ The Toffes ‘’ .  Kalimi nga Watford për në ‘’ Goodison Park ‘’ për shifrën e 40 milionë eurove  rezultoi zgjedhja më e mirë  e  karrierës sepse të jesh pjesë e planeve të një ndër skuadrave më të  famshme të planetit është një sukses i jashtëzakonshëm .

Karakteristikat që mbart Richarlison flasin për një sulmues shumë të shpejtë  dhe të rrezikshëm , që di të krijojë hapësira për shokët e tij dhe  gjithashtu është shumë i fortë në lojën në ajër . Këto komponentë mbeten një element që e kanë entuziazmuar  Carlo Ancelottin i cili kërkon ti japë freskinë e duhur sulmit të Real Madridit me një lojtar shumë produktiv .  Richarlison është një emblemë tek skuadra nga Liverpooli dhe ky interes ndoshta do t’ia rrëmbejë zemrën  talentit brazilian për të marrë rrugën drejt Madridit .