Trajneri i Vllaznisë, Qatip Osmani, foli për MCN TV, pas ndeshjes ku skuadra e tij u mposht 4-1 nga Partizani.
Osmani zbuloi se debatoi me lojtarët për golat e pësuar, por shtoi se skuadra do të luftojë për vendet e kreut.
Lojtarëve nuk u thashë asgjë pas ndeshjes thjesht debatuam për golat që i pësuam. Mendoj se momenti vendimtar i ndeshjes ishin golat në fundin e pjesës së parë. Me fillimin e të dytës përsëri pësuam. Përsa i përket ndeshjes në fazën difensive ishim gjithmonë në kohëvonesë. Topin e luanim ngadalë me pasime të pasakta. Nuk krijuam raste për shkak të këtyre që përmenda.
Në humbjen e sotme, lëndimet e bëjnë të veten. Ndryshimi i trajnerit gjithashtu ndikoi në këtë ndeshje. Por gjithsesi besoj se Vllaznia do të luftojë për kreun e tabelës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
