Mario Balotelli ka ndryshuar përsëri ekip, pas një sezoni me Monzan në Serie B italiane. Sulmuesi do të vazhdojë karrierën e tij në Turqi, më saktë te skuadra e Adana Demirspor, me të cilët është bashkuar ditën e sotme. Këtë e kishte konfirmuar edhe vetë presidenti i klubit turk, Murat Sancak, i cili në një prononcim të dhënë së fundmi u shpreh se lojtari do të jetë pjesë Adana Demirspor.
“Marrëveshja me Balotellin është 85% e bërë. Ai na kontaktoi përmes kapitenit Inler dhe na tha se dëshiron të vijë këtu. Do të mbërrijë në Turqi shumë shpejt. Balotelli dëshiron të vijë këtu për të marrë pjesë në Kupën e Botës. Gjysmën e pagës së tij do e paguajë sponsori. Njerëzit thonë se ai është i çmendur, por ne jemi Adana Demirspor dhe dimë si ta menaxhojmë”, tha presidenti.
Ndërkaq ka qenë vetë klubi turk që nëpërmjet faqes zyrtare ka prezantuar afrimin e sulmuesit italian.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
