Përpjekjet tek Atletico Madridi referuar merkatos dimërore vijojnë, duke qenë se traineri Diego Simeone ka kërkuar përforcime.
‘’ El Cholo ‘’ i ka qëndruar besnik ‘’ Los Colchoneros ‘’ pasi është i ndërgjegjshëm për potencialin e tyre në çdo kompeticion.
Argjentinasi në bashkpunim me stafin tashmë e kanë deklaruar objektivin e rradhës dhe flitet për Luis Millan.
Për 31 vjeçarin e Getafes presidenti Enrique Cerezo ka përgatitur çekun afro 15 milionë euro, edhe pse duhet theksuar se nuk do të jetë aspak e lehtë.
Arsyeja është e thjeshtë dhe lidhet me rëndësinë e Luis Millas në 11-shen e Jose Bordalas.
Megjithatë, një tjetër alternativë është edhe huazimi i tij tek kryeqytetasit për shifrën e 8 milionë eurove, të cilën krerët e ‘’ Los Azulones ‘’ po e shqyrtojnë me shumë kujdes.
Katër sezonet në ‘’ Coliseum Alfonso Perez ‘’ e kanë shëndërruar Luis Millan në një lojtar stabël, prezenca e të cilit i ka dhënë gjithmonë shtysën e duhur gjatë sfidave.
Një avantazh nëse do të transferohet në ‘’ Wanda Metropolitano ‘’ është se e njeh shumë mirë Atletico Madridin dhe në përgjithësi kampionatin spanjoll, edhe pse rivaliteti vijon të jetë tejet i ashpër dhe të jesh nën urdhërat e Diego Simeones është një vështirësi më vete.
Gjithçka do të varet nga ecuria e mëtejshme dhe bisedimet ndërmjet palëve, për një lojtar të cilin për të katërtin sezon rradhazi vijon të bëjë diferencën tek Getafe.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
