Qatip Osmani pritet të jetë trajneri i Shkëndijës së Tetovës për sezonin e ardhshëm. Kuqezinjtë ishin prej kohësh në kërkim të një trajneri dhe tashmë duket se kanë vendosur.
Sipas mediave në Maqedoninë e Veriut, Shkëndija ka arritur marrëveshjen me Osmanin dhe tashmë pritet vetëm zyrtarizimi i marrëveshjes.
Bëhet fjalë për një rikthim për trajnerin 52-vjeçar te Shkëndija, me të cilët ka fituar edhe 3 tituj kampion.
Do të jetë kjo hera e katërt që Qatip Osmani do të rikthehet për të udhëhequr klubin e Shkëndijës, pasi i njëjti deri më tani kishte udhëhequr këtë skuadër në tre periudha të ndryshme.
Fillimisht nga korriku i vitit 2010, deri fundin e shtatorit të vitit 2011, pastaj nga marsi deri në fundin e korrikut të vitit 2012, si dhe nga qershori i vitit 2017, deri shtatorin e vitit 2019-të.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
