Tek Manchester United po punohet me shumë përkushtim për ta filluar ashtu siç duhet sezonin vijues.
‘’ Djajtë e Kuq ‘’ prej shumë vitesh kanë mbetur në prapavijë në lidhje me performancat dhe titujt, të cilët megjithatë mbeten një ndër klubet më të pasur të botës.
Ky fakt i ndihmon për të bërë gjithmonë merkato cilësore por pavarësisht kësaj, rezultatet nuk kanë qenë në lartësinë e duhur.
Së fundmi referuar prapavijës, gjigandët e Anglisë dhe më gjerë kanë firmosur me Diego Leon, i cili ishte pjesë e Cerro Portenos në Paraguaj.
18 vjeçari aktivizohet si anësor i majtë dhe gjatë një interviste para nisjes për në Angli është shprehur:
‘’ Gjithmonë kam ëndërruar të jem pjesë e Manchester United. Do të jap maksimumin gjatë fazës përgatitore dhe do të luftoj për një vend titullari ‘’, ishin fjalët e talentit paraguajan.
Duhet kujtuar se në dhjetorin e 2024-tës drejtuesit e Manchester United dhe Cerro Portenos e arritën këtë marrëveshje, e cila sigurisht do ti ndryshojë të ardhmen si në aspektin sportiv ashtu edhe në atë ekonomik.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
