Me merkaton e dimrit pas dere, kanë filluar përpjekjet e drejtuesve të Chelseat për ta rikthyer ekipin aty ku e meriton.
Sezoni i kaluar , i cili çuditërisht i la jashtë Europës anglezët , po reflektohet edhe në aktualin.
Natyrisht ‘’ Blutë e Londrës ‘’ janë ndjeshëm larg performancave të viteve të shkuara, pavarësisht investimit të fuqishëm të Todd Boehly-t në dy merkatot e fundit.
Një ndër objektivat e Chelseat për këtë periudhe është Tammy Abraham, ish lojtar i londinezëve, i cili iu bashkua Romës në verën e 2021-shit.
Dëmtimet e shpeshta dhe sidomos shkëlqimi i Romelu Lukakut ia kanë reduktuar mundësitë tek ‘’ Verdhekuqtë ‘’ dhe manjati amerikan ka ofruar 52 milionë euro për ta rikthyer anglezin në ‘’ Stamford Bridge ‘’.
Mauricio Pochettino pretendon shtimin e cilësisë , sidomos në repartin e avancuar , aty ku janë evidentuar shumë vështirësi, në këtë fazë të parë të sezonit.
Chelsea ka marrë pjesë në Champions League në të shkuarën , ekip i konsideruar kandidat potencial për fitimin e çdo trofeu, në Angli dhe jashtë saj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
