Me Serinë A pothuajse të siguruar Interi ka nisur prej kohësh analizat për përforcimin e skuadrës . Sipas ‘’ Calciomercatos ‘’ ndër objektivat e shumtë të Antonio Contes është edhe Alessandro Florenzi . Momentalisht italiani është i huazuar nga Roma tek Paris St Germain me të cilin e ka ngritur shumë nivelin e lojës dhe konsiderohet i pazëvëndësueshëm nga Mauricio Pochettino. 30 vjeçari cilësohet si një lojtar tepër luftarak dhe polivalent dhe përshtatet shumë mirë në 3-5-2 -shin e famshëm të trainerit nga Lecce . Ky i fundit nuk ka mbetur shumë i kënaqur me lojën e Achraf Hakimit dhe e shikon bashkombasin e tij si goditjen e duhur për krahët . Pavarësisht se kualiteti i marokenit nuk mund të vihet në pikpyetje Alessandro Florenzi është një lojtar me tipare më tepër mbrojtëse në krahasim me ishi-n e Real Madridit dhe do ti bënte punë Interit sidomos nga krahët sepse shquhet për inkursionet e shpeshta . Edhe pse vlera e kartonit të ishi-t të Romës është rreth 10 milionë euro ‘’ Les Pariziens ‘’ akoma nuk kanë vendosur qëndrimin e italianit në ‘’ Parque De Prince ‘’ por momentalisht janë të kënaqur me lojën e zhvilluar sepse i garanton paraqitjet dinjitoze në javët e mbetura . Në rastin e një largimi nga Franca , Roma me të cilën ka firmosur kontratën deri në 2023- shin ka deklaruar se për ta larguar nga ‘’ Olimpico ‘’ do të kërkojë 15-18 milionë euro . Per arkat e Interit një shumë e tillë nuk është aspak problematike por merkatoja e verës është ajo që do ta thotë fjalën e fundit në lidhje me këtë çështje .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
