Paris St Germain ka filluar pak e nga pak të konsiderojë objektivat e merkatos së verës . Eleminimi në gjysëmfinalet e Champions Leagues nga Manchester City i ka dhënë një leksion të vlefshëm Mauricio Pochettinos i cili duhet të bëjë mirë llogaritë për të mos ngecur vitin e ardhshëm në të tilla faza dhe të kurorëzojë kuq e blutë me trofeun e ëndërruar . Fokusi është ndalur tek Moise Kean që e ka bindur Thomas Tuchel për qëndrimin tek Parisi . Aktualisht drejtuesit e tyre po e analizojnë shumë mirë situatën e golashënuesit dhe krerët e francezëve janë të gatshëm të blejnë përfundimisht kartonin e sulmuesit potent , operacion që ndërmjet tyre dhe Evertonit mund të mbyllet për 30 milionë euro.
21 vjeçari italian ia ka mbushur mendjen argjentinasit se e meriton qëndrimin në ‘’ Parque De Prince ‘’ sepse në sezonin aktual ka rezultuar një kontribues i shkëlqyer për ‘’ Les Pariziens “ me 16 gola në 37 ndeshje . Sulmuesi nga Vercelli ka formuar një treshe magjike me Neymar Junior dhe Kylian Mbappe e cila vijon ta entuziazmojë Parisin pavarësisht se për të dytin sezon rradhazi ishin fare afër metrave të fundit të turneut më të famshëm të Europës . Ky operacion që me siguri nuk do ti shkaktojë asnjë pendesë Parisit është konfirmuar totalisht nga traineri argjentinas që do të mundohet të transferojë elementë efikasë për të qenë më të freskët sezonin pasardhës dhe mos të ngecin më në faza determinante .
Gjithsesi Parisi do të vazhdojë luftën në dy fronte deri në fund si në kampionat ashtu edhe në kupë , turne ku do të përballet në gjysëmfinale me Montpellier , ndërsa në Ligue 1 lufton kokë më kokë me Lillen me 1 pikë diferencë . 3 ndeshjet e mbetura për Parisin konsiderohen jetike dhe duhet të shpresojë në gabimet e mundshme të Lilles për të siguruar trofeun kampion për herë të 10-të në histori.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
