Niveli i shkëlqyer i treguar me Leedsin ia ka shtuar pretendentët mesfushorit Kalvin Phillipps . Pas Liverpoolit dhe Arsenalit Manchester United është futur në valle për ta transferuar anglezin në ‘’ Old Trafford ‘’.
Sipas ‘ Daily Star ‘ qëndrimi i 25 vjeçarit në ‘’ Elland Road ‘’ është ndërlikuar shumë sepse përballë një interesi të tillë me siguri drejtuesit e ‘’ The Whites ‘’ janë duke fërkuar duart sepse janë të ndërgjegjshëm se mund të dalin tepër të fituar në këtë operacion .
‘’ Djajtë e Kuq ‘’ prej kohësh janë fokusuar tek mesfushori i West Hamit Declan Rice por rivaliteti i ashpër sidomos me Chelsean dhe përgjigjet negative të londinezëve e kanë detyruar të nisë këtë tratativë .
Ky operacion në rast se do të konkretizohet do të rezultonte më i lirë në krahasim me yllin e ‘’ The Hammers ‘’ për arsye se vlera aktuale e kartonit është 40 milionë euro por mund të ketë një rritje prej 10-20 milionë eurosh gjatë kohës .
Kjo shifër nuk do ti rëndonte aq shumë xhepat e Manchester United por duhet theksuar se kontrata e Kalvin Phillipps skadon në 30 qershorin e 2024-tës dhe në njëfarë mënyre konsiderohet si një barrierë për skuadrën e Ole Gunnar Solskjaer pavarësisht se potenciali i saj mund të konceptohet si një shans i artë nga drejtuesit e Leeds United për fuqizimin e arkave .
Sezoni për një ndër nxënësit më shembullorë të Marcelo Bielsas ka filluar me këmbën e mbarë dhe këtë fakt e demostron interesi i Manchester United pa lënë në harresë se në 6 ndeshjet e zhvilluara ka kontribuar me 1 gol për të ashtuquajturit ‘’ The Peacocks ‘’.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
