Gian Piero Ventura ishte në krye të Italisë në vitin 2017, kur kombëtarja axurre mbeti jashtë Botërorit “Rusi 2018”. Menjëherë pas eliminimit ndaj Suedisë, ai u shkarkua nga drejtimi i Italisë, duke u shpallur si fajtori kryesor.
Italia mbeti përsëri jashtë Botërorit, por këtë herë, trajneri Roberto Mancini nuk u shkarkua, teksa iu dha besim për të vazhduar më tej.
Në lidhje me këtë, ka folur Ventura, i cili nuk i ka kursyer akuzat ndaj presidentit të Federatës Italiane, Gabriele Gravina, për të cilin tha se në 2017 e bëri fajtor të vetëm për eliminimin, ndërsa Mancinin e mbështeti menjëherë.
Në Palermo, pas humbjes kundër Maqedonisë së Veriut pashë presidentin e federatës, Gabriele Gravina, i cili iu ul pranë dhe e mbështeti menjëherë Roberto Mancinin. Ndërsa mua, në 2017-ën, më bënë të vetmin fajtor për mospjesëmarrjen në Botërorin 2018, por nuk më është dukur asnjëherë e drejtë, teksa kishim në grup dy ekipe elitare si Spanja dhe Suedia.
Ventura tha se Italia ka probleme me golin, pasi asnjë nga 6 skuadrat e para në Serie A, nuk ka sulmues italian.
Këto ditë, edhe media nuk e përmendte emrin e Mancinit, por artikujt më të shumtë ishin: ‘Në gjueti të fajtorëve’ dhe ‘Roberto të lutem qëndro’. Pse ka probleme goli Italia? E thjeshtë, sepse nëse sheh 6 ekipet e para të Serisë A, asnjë prej tyre nuk ka një italian në sulm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
