Mike Maignan është një nga lojtarët më të rëndësishëm te Milani. Portieri ka rezultuar vendimtar me pritjet e tij, në disa ndeshje të rëndësishme, veçanërisht në Champions League këtë sezon.
Francezi ishte një nga lojtarët më të mirë në fushë, në dy ndeshjet ndaj Napolit në çerekfinale, ku kuqezinjtë u kualifikuan për në gjysmëfinale.
Duke parë formën dhe rëndësinë që ka Maignan, te Milani kanë vendosur ta shpërblejnë. Sipas raportimeve të fundit, thuhet se drejtuesit kanë përgatitur rinovimin për 27-vjeçarin.
Në kontratën e re, Maignan do të firmosë deri në vitin 2028, me aktualen që skadon në vitin 2026, ndërsa do të ketë edhe rritje të pagës, nga ajo aktualja, ku përfiton 2.8 milionë euro.
Marrëveshja duket e lehtë dhe në ditët e ardhshme pritet të vijë edhe zyrtarizimi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
