Mesfushori Isco Alarcon nuk u aktivizua në fitoren e javës së parë të La Ligas në të cilën Real Madridi mundi modestët e Alaves . Ky fakt ka gjeneruar shumë skepticizëm për të ardhmen e spanjollit në ‘’ Santiago Bernabeu ‘’ sepse tregon se Carlo Ancelotti nuk e ka në planet e tij si titullar. Edhe pse 29 vjeçari vjen pas një faze përgatitore pozitive vijon të mos e bindë teknikun italian se duhet të jetë një ndër 11 lojtarët e preferuar për formacionin e ‘’ Galaktikëve ‘’.
Pas kësaj situate kanë filluar të qarkullojnë zërat se ish-i i Malagas mund të jetë i larguari i rradhës nga kryeqytetasit pas transferimeve të bujshme të Sergio Ramos tek Paris St Germain dhe Raphael Varanes tek Manchester United .
Rikthimi i Carlo Ancelottit tek ‘’ Los Blancos ‘’ është një indikator pozitiv për këtë skuadër e cila do të tentojë me çdo kusht të rikapë majat në Spanjë dhe Europë dhe për të arritur qëllimin është e nevojshme të bëhen lëvizjet e duhura për të mos hasur pengesa gjatë sezonit.
Në atë të kaluarin i ashtuquajturi ‘’ Magisco ‘’ kontriboi me 29 prezenca dhe 2 asiste por mesa duket largimi i Zinedine Zidane ia ka reduktuar shanset për të vijuar eksperiencën tashmë nën drejtimin e një tjetër gjigandi në training siç është Carlo Ancelotti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
